من طبعي أرد الإساءه { بالاحسان }
وأساير ظروف الزمان اللعينه
وأطوّف الغلطه من { فلان .. وفلان }
يعني من أجل { عين } تكرم مدينه
الكامل الله والخطا طبع { الانسان }
والدرب يفرُق عن يساره ..يمينه
و { الصاحب }اللي له معزه وله شان
ان جاني بـشينه.. تذكرت زينه ..
أتحمل أخطاءه معي { قدر الإمكان }
من جانبي تبقى العلاقه متينه ..
واللي { يغلّطني } وأنا ماني غلطان
أصابعي أحطّها { وسـط عينه } ..
مادامني مسلم وفي قلبي إيمان
عمر{ البحر } ماشال هم السفينه ..
مرت عليّ { أنواع .. وأشكال .. وألوان }
بين { العقول } الناقصه .. والرزينه
عندي قناعه إن { الإنسان شيطان }
إذا يهينك { لازم } إنك تهينـه ..
يعني إذا حاجتك { بيدين عدوان }
يكفيك شر المهزله .. والغبينه ..
من{ كثر ماجاني } من الناس خذلان
تحرجني حتى كلمة { الله يعينه }
صحيح لي { ربع .. وجماعه.. وخلان }
وأضيق لكن حاجة الناس.. شينه
الشخص دام إنه بكل شي{ خسران }
تأكد إنْهآ من عمايل { يدينه } ..
من مرحلة { حب .. ومشاعر .. وحرمان }
إن ما لعنت الحب تلعـــن سنينه ..
أكتب شعر وأعزف من { أشواقي ألحــآن }
وأسلّي قلوب الغرام الحزينـه ..
ولو الشعر مخلوق في { هيئة إنسان }
لأقول له تسلم { وأقبّل جبينه }...~