مدي يمينك ودي ارقد عليها

انقر على هذا شريط لمشاهدة الصورة كاملة.

جيتك وانا من
لهفة الشوق
ولهان
شوفتك .. فرصه من زمان احتريها
ماجيتك مسافر من اوطان لـ.. اوطان
يا أوطاني اللي وين مارحت اجيها
شوفتك ! عندي ما تقّدر بالاثمان
وآلله .. لا ابيع العمر واشتريها
دنيآ .. بدونك يابعد كل من كان
وش عاد ابي فيها وليه ارتجيها !
اعيشها وحشه وضيقه وحرمان
استغفر الله / مير ماعاد ابيها
ثيابي اشبه في غيابك بـ.. الاكفان
وايامي بلياك / تبت يديها !
حاولت اسلي خاطري قدر الامكان
آثر الهموم .. تحدني واحتديها
كم ضيقة ٍ جاهدتها صبر وايمان
تفجرت .. وانا عجزت احتويها
وقفت .. مالي من بعدك اي عنوان
قبل ابتدي كل الدروب / انتهيها
جيتك من آخر ديرة الكبت تعبان
لـ.. عيونك اللي ودي ارتاح فيها
ماجبت ورده / جبت لك 1000 بستان
[ هدية ٍ متواضعه ] .. واقبليها
تعبان وعيوني عليها السهر بان
مدي يمينك .. ودي ارقد عليها